हेपाटाइटिस् सी को परीक्षण

चिकित्सक वा डाक्टर (जी पी)

तपाईंको चिकित्सक (जीपी) ले तपाईंलाई हेपाटाइटिस् (कलेजोको सुजन) सी परीक्षणको लागि रगत परीक्षण गराउन सक्नुहुन्छ। यो परीक्षण गर्ने सबैभन्दा सामान्य तरिका हो। तपाईंको डाक्टरले रगतको नमूना लिन्छन् र हेपाटाइटिस् (कलेजोको सुजन) सीको परीक्षण गर्न प्रयोगशालामा पठाउँछन्। यदि तपाईंसँग मेडिकेयर कार्ड छ भने यो परीक्षण निःशुल्क हुन्छ। तपाईंले बल्क बिलहरू गर्ने जीपी नपाएमा चिकित्सकलाई शुल्क तिर्नुपर्ने हुनसक्छ।

यौन स्वास्थ्य क्लिनिकहरू

NSW यौन स्वास्थ्य क्लिनिकहरूमा हेपाटाइटिस् सीको परीक्षण छानिएका बिरामीहरूको लागि नि:शुल्क, सजिलो र गोप्य छ। केही क्लिनिकहरूमा तपाईंलाई मेडिकेयर कार्डको आवश्यकता पर्दैन र यदि तपाईं चाहनुहुन्न भने आफ्नो वास्तविक नाम दिनु पर्दैन।

तपाईंको लागि कुन क्लिनिक उत्तम छ भन्ने बारे थप जानकारीको लागि, १८०० ४५१ ६२४ मा यौन स्वास्थ्य इन्फोलिङ्कमा कल गर्नुहोस् वा www.shil.nsw.gov.au मा जानुहोस्।
.
यदि तपाईं आफ्नै भाषामा बोल्न चाहनुहुन्छ भने, तपाईंले १३ १४ ५० मा अनुवाद र व्याख्या सेवा (TIS) मा कल गरेर वा www.tisnational.gov.au मा जानुहोस्, नि:शुल्क दोभाषे सेवा प्रयोग गर्न सक्नुहुन्छ।

ड्राईड ब्लड स्पट (DBS) परीक्षण घरमै गर्न सकिने नि:शुल्क, सजिलो र गोप्य परीक्षण हो। तपाईंले परीक्षण अनलाइन अर्डर गर्नुहुन्छ र घरमै गर्नुहुन्छ। तपाईंले परीक्षण किटमा प्रदान गरिएको सानो सुई (ल्यान्सेट) प्रयोग गरेर आफ्नो औंला घोट्नुहुन्छ र रगतका केही थोपा सङ्कलन गर्नुहुन्छ र परीक्षणको लागि प्रयोगशालामा पठाउनुहुन्छ। तपाईंले फोन, टेक्स्ट वा इमेल मार्फत एक हप्तामा नतिजा प्राप्त गर्नुहुनेछ।

DBS परीक्षणको बारेमा थप जानकारीको लागि यहाँ क्लिक गर्नुहोस्।

परिवार नियोजन क्लिनिकहरूले यौन संचारित संक्रमण (STIs) को परीक्षण र उपचार, गर्भनिरोधक जानकारी र प्रक्रियाहरू, र गर्भावस्था विकल्प परामर्श सहित प्रजनन र यौन स्वास्थ्य सेवाहरूको दायरा प्रदान गर्दछ। तपाईंले सेवाको लागत तिर्नुपर्ने हुन सक्छ।

परिवार नियोजन NSW टकलाइनले हेपाटाइटिस् सी सहित यौन स्वास्थ्य समस्याहरूमा नि:शुल्क र गोप्य जानकारी र सल्लाह प्रदान गर्दछ। टकलाइनलाई १३०० ६५८ ८८६ मा सम्पर्क गर्नुहोस्, वा www.fpnsw.org.au मा जानुहोस्। तपाईंको नजिकैको परिवार नियोजन क्लिनिक फेला पार्न यहाँ क्लिक गर्नुहोस्

घुम्ती क्लिनिकहरू

यी क्लिनिकहरूले समुदाय केन्द्रहरू, घरबारविहीन सेवाहरू, सामुदायिक सुधार सेवाहरू, फार्मेसीहरू, निजी मेथाडोन क्लिनिकहरू र हाम्रो जिल्ला मोबाइल स्वास्थ्य भ्यानहरू जस्ता ठाउँहरूमा हेपाटाइटिस् सी परीक्षण र उपचार प्रदान गर्छन्।

पोइन्ट-अफ-केयर परीक्षण (पी ओ सी टी) स्थलहरू

अस्ट्रेलियाली हेपाटाइटिस् सी पोइन्ट-अफ-केयर परीक्षण (पी ओ सी टी) कार्यक्रमको लागि एनएसडब्ल्यू भरि धेरै अनुसन्धान स्थलहरू छन्। यी अनुसन्धान स्थलहरूमा, तपाईंले हेपाटाइटिस सी परीक्षण गर्न सक्नुहुन्छ र सोही दिन आफ्नो नतिजा प्राप्त गर्न सक्नुहुन्छ। पी ओ सी टी स्थलमा, यदि तपाईंको परीक्षण हेपाटाइटिस् सीको लागि सकारात्मक आयो भने स्वास्थ्य सेवा कर्मचारीले सोही दिन तपाईंसँग उपचार विकल्पहरू छलफल गर्न सक्छन्।

हेपाटाइटिस् सी परीक्षणको लागि पी ओ सी टी अनुसन्धान स्थल पत्ता लगाउन, www.hepcpoct.com.au मा जानुहोस्।